Xa puidestes ver estes carteis pendurados polo instituto e en instagram. Xa están convocados os concursos que a biblioteca vos propón para o Día do Libro, o 23 de abril. Aínda falta case un mes mais xa convocamos o Concurso literario para o 28 de marzo, martes, de 10:50 a 12:30. Trátase de que nesas dúas sesións veñades á biblioteca. Recibiredes unha proposta sobre a que, inspirándovos nela, escribiredes os vosos textos, en prosa ou en verso. Ten que haber relación entre ambas, entre a nosa proposta e o voso texto, mais esa relación pode ser moi variada.
O Concurso de ilustración será o 18 de abril, martes, de 10:50 a 12:30 e ten características semellantes: tedes que ilustrar unha proposta que vos fará o equipo da biblioteca.
Animádevos a participar!! Tedes de prazo para anotarvos até este venres 24.
A continuación podedes ver as bases:
Ningún comentario:
Publicar un comentario