Recomendacións lectoras verán

Este curso puxemos en marcha a Radio-Actividade da Biblioteca e ofertámosvos a partir dela as nosas recomendacións lectoras para o verán. Non deixes de escoitar os nosos Arrecendos literarios!!!

Historia do libro e das bibliotecas

 Historia do libro e das bibliotecas

    Rematamos este curso cunha actividade sobre a Historia do libro e das bibliotecas. 

    Ismael e Juan, alumnos de 1º de bacharelato, expuxeron ao alumnado de 1º ESO información sobre os primeiros libros e bibliotecas e como foi a súa evolución ao longo da Historia.

 Ademais, comentaron, como usuarios habituais da biblioteca desde a súa chegada ao instituo, que tipo de libros eran do seu interese.

Fieitas IV

 Fieitas IV

 

    Este cuarto número de Fieitas elaborouse, por primeira vez, por completo no noso instituto en colaboración cos Polos Creativos. 

   Está dedicado ao xogo de memoria sobre a figura de Rosalía de Castro que realizou o alumnado de 1º de bacharelato.

Alumnado e traballos premiados - Concursos Día do Libro 2026

 

Premios Concursos Día do Libro 2026

 

 

    No concurso literario o alumando tivo que elaborar un texto, en prosa ou en verso, tomando como fonte de inspiración a seguinte fotografía da pintora viveirense Maruxa Mallo.

    No concurso de ilustración o alumnado tivo que ilustrar o seguinte fragmento da novela Circe ou o pracer do azul de Begoña Caamaño, autora homenaxeada este ano o Día das Letras Galegas.

    "Mais o paxaro non abriu o peteiro. Permaneceu calmo no ombreiro do mariñeiro ollando para a raíña cos seus ollos mouros e profundos."

    Os traballos premiados podedes consultalos no arquivo que hai embaixo.

PARABÉNS POLO VOSO EXCELENTE TRABALLO!!!

Avaliamos a biblioteca

 

Entrega de premios concursos Día do Libro

 

Día de Rosalía

 Xogo Rosalía

    Despois de moitos meses de traballo, por fin, podemos ver os resultados. O xogo de memoria centrado na figura de Rosalía de Castro está xa rematado. Agradecemos a participación de todas aquelas persoas que interviñeron neste proxecto que a biblioteca se propuxo levar a cabo durante este curso académico, especialmente, o traballo do alumnado. 

Estamos realmente contentas co resultado!!!

Concursos Día do Libro

 Concursos Día do Libro 2026

Concurso de ilustración - Concurso literario

    Esta semana celebramos os concursos convocados co gallo do Día do Libro. Agradecemos o voso entusiamo e a vosa participación!!!

MOITA SORTEEEEEE!!!

Novos espazos da biblioteca!

 

Estreamos un novo espazo para a lectura!!

 

 

 A partir de agora tedes este novo sofá para ler comodamente na biblioteca.

 

E seguirmos gozando dos libros, cómics, revistas...

 

 

Ademais estreamos dous espazos de exposicións permanentes.

 

Un, á entrada da biblioteca. Agora exponse unha selección das imaxes premiadas no último Concurso de Fotografía.

 

E outro, no corredor de acceso á biblioteca.

 

Onde están algunhas das ilustracións realizadas polo alumnado de Artes Plásticas no Proxecto do Herbario de Flores de Ferro (curso 2023-2024).

 

 

Concursos Día do libro

Castelao no Día do Teatro

O venres 27 de marzo celebramos o Día do Teatro coa representación da obra "Castelao, un corazón á intemperie", unha produción de Fantoches Baj. Monicreques, música tradicional e teatro de máscaras para recoñecermos a figura de Castelao interpretando pequenas partes das súas obras.

 

 

 

Após a morte de Castelao o 7 de xaneiro de 1950, nun tempo no que en Galicia non era posible chorar a súa perda, o dramaturgo e director de escena Daniel Varela Buxán decide render, nun acto privado diante da súa veciñanza, a súa particular homenaxe ao rianxeiro. 

 

 

 

 

  

Representa con marionetas parte da súa obra: contos de ‘Cousas’ (“Panchito” e a “Marquesiña”); narracións de ‘Retrincos’ (“Sabela” e “O inglés”), escenas de “Os vellos non deben namorarse” e o o monólogo do esqueleto en “Un ollo de vidro”.

 

  

 

 

 

 

 

 

 

 

 

 

Exposición "Teatro de sombras chinesas"

 Lembramos o Día do Teatro, o 27 de marzo.

 

Na entrada do edificio principal temos esta exposición que mostra unha pequena parte da actividade desenvolvida o pasado curso polo alumnado de Artes Plásticas.

 

A partir do texto "El-rei Artur e a abominable dama" deseñaron as siluetas dos personaxes que agora podedes ver de preto.

 

 

 

 

 

 

 

Se queredes coñecer como representaron este obra coa técnica do teatro de sombras chinesas, podedes premer na entrada

 "Estrea teatral" 

E se queredes ver a obra o día da estrea, premede no seguinte vídeo

Teatro de sombras chinesas