Novembro, ciencia en galego

 Xeografía

Novembro, mes da ciencia en galego

    Dedicamos este mes a unha ciencia que nos aporta información en moi diversos aspectos e, en moitas  ocasións, nin nos damos conta de que estamos recorrendo a ela.

    Propoñémosvos que vos acheguedes á Xeografía premendo nas seguintes fotografías.

1. Coas extraordinarias imaxes que podes visionar no seguinte vídeo podes acercarte á riqueza xeolóxica e paisaxística de Galicia.

2. Accede, premendo na imaxe, a moitos e variados xogos coa xeografía como elemento central. Pon a probra o teu coñecemento e, tamén, intenta amplialo.

3. Visita virtualmente a praia das Catedrais.

https://360.xeoclip.com/catedrais/

 Problema isoperimétrico

Historia, Mito e Matemáticas

                                                            

    A biblioteca desprazouse este martes  ao laboratorio de Física para celebrar o mes da ciencia en galego.

    O alumnado de 1º de bacharelato puido experimentar e probar como unha película xabonosa minimiza a súa área e a circunferencia é a figura que, cun perímetro fixado, a maximiza.

    Antes do experimento, viron dous vídeos relacionados co problema isoperimétrico. No primeiro vídeo, Nerea Terceiro aportaba información, desde unha perspectiva histórica e mitolóxica, sobre a fundación de Cartago e a súa raíña Dido. 

    Alberto Rodríguez, no segundo vídeo, achega a explicación matemática a este problema.

    Finalmente, o alumnado realizou o experimento con éxito.

Novembro, mes da ciencia en galego

Micoloxía

    A finais do mes de outubro o alumnado de 1º ESO tivo a ocasión de participar nun obradoiro micolóxico organizado polo Departamento de Ciencias Naturais. Na seguinte presentación, elaborada por Arantxa, Carla e Lucía, ás que agradecemos que a queiran compartir con vós, podedes ver canto aprenderon nesa xornada.

Fungos e cogomelos