Coñecemos os premios dos Concursos do Día do Libro

 

A proposta que vos fixo a Biblioteca neste curso 2022-23 para os Concursos do Día do Libro, Literario e de Ilustración, está relacionada cun estilo musical, o Jazz. Uns días despois do 23 de abril, celébrase o Día Internacional do Jazz desde o ano 2011. O 30 de abril foi a data elixida pola UNESCO co obxectivo de “sensibilizar ao público en xeral sobre as súas virtudes como ferramenta educativa e como motor para a paz, a unidade, o diálogo e como reforzo da cooperación entre os pobos.”

Ademais a historia do Jazz está enmarcada “nos esforzos a prol da dignidade humana, a democracia e os dereitos civís… e contribúe á construción de sociedades máis inclusivas.”  Son palabras da UNESCO.

A proposta é un fragmento do tema My Baby Just Cares For Me da pianista e compositora Nina Simone, quen dixo que “o jazz non era só unha música; é unha forma de vida, unha forma de ser, unha forma de pensar.”

Foi unha grande defensora dos dereitos civís, por iso tamén a escollimos. Lembrades que ese foi o tema do pasado Concurso de Fotografía?

No vídeo están todas as vosas creacións escoitando só a parte instrumental do tema (pretendiamos que non tivésedes ningunha referencia): 40 ilustracións e 31 textos. 

Parabéns a todas e a todos os participantes!!!! 

Os premios son: 50 euros para os 1º premios, 30 euros para os 2º premios e 20 euros para os accésit. Podedes utilizar os bonos NUN destes establecementos: na libraría LaRepro ou na tenda de informática PC+. Nuns días terán todo listo para que pasedes por alí as e os premiados.

Estade atentas/os para recoller os vosos diplomas e o agasallo nun próximo acto de celebración. Avisaremos con antelación para facer a foto!!!
 

GRAZAS!