xoves, 9 de novembro de 2017

Premios do Concurso de Cabazas

 
Como sabes, as cabazas participantes deste ano tiñan que se inspirar no Día de Muertos mexicano. A calidade e orixinalidade das cabazas foi moi alta e o xurado tivoo moi difícil para tomar a decisión final. 

As premiadas foron as seguintes:

PRIMEIRO PREMIO
 

 
  

Miriam Cabanas 1º D







SEGUNDO PREMIO



 Aroa Gerpe
1º B








TERCEIRO PREMIO



Sandra Lado
1º B 






PRIMEIRO ACCÉSIT
 




Aroa Pazos
1º C







SEGUNDO ACCÉSIT
 



Larissa Gerpe
1º B 









As premiadas levaron como agasallo un libro ilustrado sobre Frida Kahlo.

Moitísimas grazas 
a todo o alumnado participante!!!

Día de los Muertos





Este ano, para celebrar o Samaín, o grupo da Biblioteca quixo que o alumnado de 1º da ESO se achegase á cultura mexicana e, con eles, tivemos o noso "Día de Muertos" particular.


Coa proxección dun video, os rapaces e rapazas aprenderon un pouco máis sobre como anualmente, o pobo mexicano honra aos seus mortos.




E mesmo tiveron a visita dunha Catrina moi especial, chegada dende Mexico para unirse á festa!






Ademáis, o alumnado contribuíu á decoración da Biblioteca coas cabazas que presentaron ao Concurso anual que celebramos no Samaín e que tiñan que estar inspiradas na celebración mexicana.

mércores, 8 de novembro de 2017

24 de outubro: Día da Biblioteca



 


O día 24 de outubro celébrase o día da Biblioteca. Para celebralo, adoitamos facer unha saída a Santiago co alumnado de 1º de Bacharelato para levar a cabo unha actividade.






 A primeira parte da actividade consistiu na asistencia a unha proxección privada no cinema NUMAX


 
  Este ano, a película escollida foi "O outro lado da esperanza" do director finlandés Aki Kaurismaki, proxectada en versión orixinal e subtitulada ao galego, que presenta a historia dun refuxiado sirio que é axudado polo dono dun restaurante en Helsinki; un drama presentado coa distancia e o fino humor característico do seu director.



Despois de saír da proxección, o alumnado tívose que enfrontar a un roteiro literario en forma de xogo de pistas, no que, divididos en grupos, tiñan que identificar diferentes lugares da cidade e facerse un "selfie" diante de cada un deles. O punto de encontro final foi a Praza do Toural




luns, 12 de xuño de 2017


Hoxe   celebramos  a  última  reunión    do noso club  de  lectura.



Despedímonos  cunha  preciosa obra  de  Carmen  Quinteiro, Caleidoscopio, na  que  se  recollen poemas  e  microrrelatos da  autora  pontevedresa.


                                        


     Se  seguides o enlace  atoparedes  un poema  recitado pola  propia  autora:  Travesía





O  vindeiro  curso  reencontrarémonos
  neste noso 
 Recuncho  da  tinta  negra







domingo, 4 de xuño de 2017



      Metade obxecto, metade animal.
      Feito de carne vexetal e de emocións,
      construído coa imaxinación
      e disposto a acompañar a quen
      desexe experimentar un chisco coa eternidade.
      Suxestión para comprender
      o alcance que pode ter un libro.

                       María Xosé Canitrot Trillo


Ler para min é...





Co gallo do Día do Libro o alumnado do noso centro puido completar esta oración.


Aquí tendes unha selección das vosas opinións.