venres, 15 de maio de 2026

Día de Rosalía

 Xogo Rosalía

    Despois de moitos meses de traballo, por fin, podemos ver os resultados. O xogo de memoria centrado na figura de Rosalía de Castro está xa rematado. Agradecemos a participación de todas aquelas persoas que interviñeron neste proxecto que a biblioteca se propuxo levar a cabo durante este curso académico, especialmente, o traballo do alumnado. 

Estamos realmente contentas co resultado!!!



xoves, 23 de abril de 2026

Concursos Día do Libro

 Concursos Día do Libro 2026

Concurso de ilustración - Concurso literario


    Esta semana celebramos os concursos convocados co gallo do Día do Libro. Agradecemos o voso entusiamo e a vosa participación!!!

MOITA SORTEEEEEE!!!





venres, 10 de abril de 2026

Novos espazos da biblioteca!

 


Estreamos un novo espazo para a lectura!!

 


 

 A partir de agora tedes este novo sofá para ler comodamente na biblioteca.

 

E seguirmos gozando dos libros, cómics, revistas...

 

 

Ademais estreamos dous espazos de exposicións permanentes.

 


Un, á entrada da biblioteca. Agora exponse unha selección das imaxes premiadas no último Concurso de Fotografía.

 


E outro, no corredor de acceso á biblioteca.

 


Onde están algunhas das ilustracións realizadas polo alumnado de Artes Plásticas no Proxecto do Herbario de Flores de Ferro (curso 2023-2024).

 



 



sábado, 28 de marzo de 2026

Castelao no Día do Teatro


O venres 27 de marzo celebramos o Día do Teatro coa representación da obra "Castelao, un corazón á intemperie", unha produción de Fantoches Baj. Monicreques, música tradicional e teatro de máscaras para recoñecermos a figura de Castelao interpretando pequenas partes das súas obras.




 
 
 
Após a morte de Castelao o 7 de xaneiro de 1950, nun tempo no que en Galicia non era posible chorar a súa perda, o dramaturgo e director de escena Daniel Varela Buxán decide render, nun acto privado diante da súa veciñanza, a súa particular homenaxe ao rianxeiro. 
 
 
 
 
  
Representa con marionetas parte da súa obra: contos de ‘Cousas’ (“Panchito” e a “Marquesiña”); narracións de ‘Retrincos’ (“Sabela” e “O inglés”), escenas de “Os vellos non deben namorarse” e o o monólogo do esqueleto en “Un ollo de vidro”.