domingo, 17 de decembro de 2023
martes, 5 de decembro de 2023
Premios Concurso de Fotografía Matemática
Premios Concurso de Fotografía Matemática
Parabéns a Carlos, Carlota, Anxo, Álvaro, Ainoa, Darío, Nouhaila e Arlet!!!
No seguinte vídeo podedes ver as fotografías premiadas e todas as que se presentaron ao concurso.
Graciñas pola vosa participación!!!
xoves, 30 de novembro de 2023
A meiga Comba
A nosa cabezuda xa está rematada e xa ten nome: Comba.
Parabéns a Kukas, a Cristina, ao alumnado de Debuxo Artístico de 1º e 2º de bacharelato e ao Ateneo Xalleiro!!!
Cando teña o vestido, poderá saír festexar polas rúas de Santa Comba.
Fieitas
Este martes, 28 de novembro, presentamos Fieitas 1. Con esta iniciativa o Equipo da Biblioteca pretende amosar e valorizar a creatividade e imaxinación do noso alumnado.
Neste primeiro número, recollemos unha escolma dos microrrelatos e ilustracións realizados o pasado curso, partindo dunha proposta do Equipo de Dinamización Lingüística, nas clases de Lingua Galega e Literatura co gallo da celebración do 25 N (Día Internacional para a Eliminación da Violencia contra as Mulleres).
mércores, 22 de novembro de 2023
25 N. 52 historias menos
52 historias menos
O alumnado de 1º ESO tamén participou nesta actividade que homenaxea as 52 mulleres asasinadas este ano.
Kukas no instituto
Hoxe había que traballar pintando o cabezudo, mais non estaba seco e aproveitamos o tempo con Kukas elaborando máscaras e helicópteros de papel.
Mirade como voan!
martes, 21 de novembro de 2023
52 historias menos - 25N
52 historias menos
Nesta semana do 25N (Día Internacional para a Eliminación da Violencia contra as Mulleres), a biblioteca quere renderlle unha homenaxe ás 52 mulleres asasinadas este ano e, asemade, denunciar este grave problema que nos caracteriza como unha sociedade enferma.
Agradecemos ao alumnado (1º e 2º de bacharelato e 3º e 4º da ESO) da profesora de Plástica Cristina Durán Arufe que colaborase na realización desta actividade.
Subscribirse a:
Publicacións (Atom)