Sombras chinesas

Teatro de sombras chinesas 

Kukas

     Hoxe comezou un proxecto que o Departamento de Artes Plásticas e a Biblioteca desenvolverán ao longo deste curso: teatro de sombras chinesas. 

Será o alumnado de Debuxo artístico de 4º ESO e 1º de bacharelato quen contará, igual que o pasado ano para o proxecto cabezudo, coa inestimable axuda de Kukas. 

    Esta primeira sesión centrouse nun achegamento ás características propias deste tipo de teatro, o uso da luz, os materiais adecuados para as figuras, as técnicas de elaboración destas.

VIII Concurso de Fotografía

Fotografando a natureza

    Hoxe celebramos o VIII Concurso de Fotografía. 

 

    Nesta ocasión o motivo a fotografar era a natureza, amplamente presente no espazo exterior do noso centro.

    O alumnado buscou, con intensidade e afán, a foto.

    

    Quen gañará??? 

Concurso Fotografía

Manuel Núñez Singala

    Hoxe visitounos o autor de Atranco no banco. 

    Nesta actividade organizada polo Departamento de Lingua Galega e Literatura e a Biblioteca o alumnado de 2º ESO puido conversar co escritor sobre esta divertida comedia. 

Non só conversar, tamén houbo unha pequena actuación sorpresa.

Día Internacional da Eliminación da Violencia contra a Muller - 25 de novembro

    Este 25N a biblioteca recoméndavos a lectura dun libro que trata o tema da violencia contra a muller. Precisamente no curso en que as bibliotecas escolares saen á escena, contamos cunha obra teatral de Cándido Pazó, A piragua, que reflicte de maneira maxistral este grave problema que padecemos. A lectura deste libro lévanos a unha profunda reflexión sobre a sociedade que queremos.

 

    Como primeira aproximación ao libro, podedes escoitar algunha das lecturas dramatizadas que o alumnado de 1º de bacharelato realizou dalgunhas escenas.

    

     

               Animádevos e lede A piragua!

 Problema isoperimétrico

Mito e Matemáticas

                                                            

    A biblioteca desprazouse este martes  ao laboratorio de Física para celebrar o mes da ciencia en galego.

    O alumnado de 1º de bacharelato puido experimentar e probar como unha película xabonosa minimiza a súa área e a circunferencia é a figura que, cun perímetro fixado, a maximiza.

    Antes do experimento, viron dous vídeos relacionados co problema isoperimétrico. No primeiro vídeo, Nerea Terceiro aportaba información, desde unha perspectiva histórica e mitolóxica, sobre a fundación de Cartago e a súa raíña Dido. 

    Alberto Rodríguez, no segundo vídeo, achega a explicación matemática a este problema.

    Finalmente, o alumnado realizou o experimento con éxito.

Novembro, mes da ciencia en galego

Micoloxía

    A finais do mes de outubro o alumnado de 1º ESO tivo a ocasión de participar nun obradoiro micolóxico organizado polo Departamento de Ciencias Naturais. Na seguinte presentación, elaborada por Arantxa, Carla e Lucía, ás que agradecemos que a queiran compartir con vós, podedes ver canto aprenderon nesa xornada.

Fungos e cogomelos

Ex libris e cartelería antiga

Ex libris e cartelería antiga

con Alouette Machine

    Xa podedes ver no vestíbulo do instituto as creacións do alumndo de 1º ESO. Era a primeira vez que traballaban con técnicas anticuadas e materiais antigos (tipografías de madeira, prensas de impresión...) mais os resultados son óptimos. Que opinades?

    No obradoiro de ex libris o alumnado de 1º de bacharelato de Debuxo artístico utilizou materiais e técnicas que descoñecían, malia iso o froito do seu traballo é excelente.

Samaín

 Lendas e contos de medo 

para celebrarmos o Samaín

    Hoxe tivemos unha xornada moi especial na biblioteca coa nosa catrina, o altar de mortos e madalenas terroríficas.

     

    Puidemos escoitar nas voces de Alexia, Berta, Brais, Judit, Lucía, María e Noa unha lectura dramatizada de varios contos do libro Á lus do candil de Ánxel Fole.

           

    Khadija e Nihal contáronnos a lenda marroquí de Aicha Kandicha.

Samaín

Samaín na biblioteca

    Xa temos todo preparado para unha xornada terrorífica con contos de medo galegos e marroquís.  

    A biblioteca está adornada e preparada para a celebración.

    Ata temos un altar de mortos.

Día das Bibliotecas Escolares

 Día das Bibliotecas Escolares

    Para celebrarmos o Días das Bibliotecas Escolares, este 24 de outubro presentamos  o segundo número de Fieitas. Esta pequena publicación continúa a súa andaina e, nesta ocasión, está dedicada a amosar o herbario sobre Flores de ferro de María Rei Vilas realizado o pasado curso.

   Como era imposible recoller toda a información, as plantas e os debuxos, tan só achega unha pequena escolma representativa deste traballo colectivo que podes consultar a continuación.

Obradoiro tipografía antiga

Obradoiro con Alouette Machine

Imprenta, tipografía e cartelería antigas

      

    Para celebrarmos o Día das Bibliotecas Escolares recibimos a visita de Alouette Machine e o alumnado de 1º ESO puido coñecer a técnica de impresión de carteis con tipografías de madeira antigas. Foron unhas horas de aprendizaxe práctica divertidas e con bos resultados.

Obradoiro ex libris

Obradoiro de ex libris 

con Alouette Machine

    Nesta semana en que se celebra o Día das Bibliotecas Escolares visitáronnos os integrantes de Alouette Machine para realizaren un obradoiro de ex libris. O alumnado que cursa a materia Debuxo Artístico en 1º de bacharelato puido coñecer e afondar na técnica de elaboración dun ex libris. Ao mesmo tempo, tamén tiveron información sobre a impresión e as tipografías antigas.

    Foron unhas horas de práctica e aprendizaxe que deron magníficos resultados.

Biblioterraza

 Biblioterraza

    Comezamos o curso coa nosa biblioterraza renovada. Esperemos poder utilizala asiduamente.

Lecturas para o verán

ATRÉVETE E MERGÚLLATE 

NOS LIBROS!!!

 

Unha película recomendábel!

 Para rematar este curso as alumnas de Grego I, Lucía, Soraya e María, recoméndanvos unha das películas que tedes na nosa biblioteca.

 

E fano neste podcast: 

Para ver este verán!!

Que a gocedes!!

Concursos Día do Libro - Traballos premiados

 Concursos Día do Libro

Alumnado premiado

Concurso Literario

1ª Categoría (1º e 2º ESO)

 Premio

Laura González Guillín (2º ESO A)

Accésit

Ángeles Victoria Pernía Guerrero (1º ESO A)

Uxía Pichel Varela (1º ESO B)

2ª Categoría (3º e 4º ESO)

Premio

Hugo Koc García (4º ESO A)

Accésit

Alexia Rey Bardanca (4º ESO B)

3ª Categoría (1º e 2º BACH)

Premio

Alexandra María Socol (1º BACH B)

Accésit

Uxía Conde Beiro (1º BACH B)

Concurso de Ilustración

1ª Categoría (1º e 2º ESO)

 Premio

Laura González Guillín (2º ESO A)

2ª Categoría (3º e 4º ESO)

Premio

Hugo Koc García (4º ESO A)

Accésit

Sara El Baghati (3º ESO)

3ª Categoría (1º e 2º BACH)

Premio

Joel Ferreiro Vila (1º BACH B)

Accésit

Carla Blanco Agulleiro (1º BACH B)

Arlet Edna Limaymanta Flores (1º BACH B)

No seguinte arquivo podes ver os traballos premiados no Concurso Literario e no Concurso de Ilustración.

Parabéns!!!

Preme no vídeo para ver unha selección de todos os traballos presentados!!!

Parabéns pola vosa creatividade!!!