Instrucións para acceder á plataforma de lecturas dixitais que a Consellaría pon a disposición da comunidade escolar.
Calquera alumna e alumno que queira ler no móbil, na tablet ou no ordenador poderá facelo despois de pedirnos na biblioteca os seus datos de acceso. Témolos todos aquí, na biblioteca, á vosa disposición. Mais antes unhas orientacións imprescindíbeis para utilizar correctamente este fondo de libros dixitais.
1º. Antes de acceder de forma autenticada á plataforma debedes navegar pola mesma para familiarizarvos con ela e ver, ademais, os títulos que hai nela.
2º. Desde a caixa de busca podedes realizar procuras por títulos, autoras/es, etc. Unha vez realizada a primeira busca, aparecerán máis opcións de filtrado no lateral dereito, onde podedes ver outros títulos dispoñíbeis, ou seguir filtrando por editorial, materia, ano de publicación, lingua, etc.
3º. Unha vez localizado o título que queredes, podedes acceder á súa ficha. Apareceranvos dous botóns:
É aconsellábel que primeiro premades no botón de Vista previa para acceder ás primeiras páxinas e decidir se é esa a lectura que queredes realizar. É unha previsualización do libro que podedes facer sen estar autenticado na plataforma.
4º. Para premer no botón Prestar é necesario que esteades autenticadas/os na plataforma. Como facelo?
5º. Debedes saber que podedes obter en préstamo 2 títulos de xeito simultáneo e un máximo de 10 títulos ao longo do curso.
Se tedes algunha dúbida ou preferides facelo na biblioteca con nós a primeira vez, xa sabedes que nos tedes á vosa disposición nos recreos.
Ningún comentario:
Publicar un comentario