Andrea Insua Ramos opina sobre "Las zapatillas de ballet"

   

     O libro Las zapatillas de ballet pareceume precioso. Encantoume a historia destas tres "irmás" que loitan polos seus soños a pesar das adversidades da vida. Estas mostran ser moi maduras e bastante responsables para a súa idade. Isto foi unha das cousas do libro que máis me chamou a atención, xa que nalgunhas das súas intervencións mesmo parece que reflexionan e se expresan coma se fosen persoas adultas. Outra das cousas que me gustou do libro foi o seu final. Este móstranos cal vai ser o futuro das rapazas, pero sen avanzar na historia, polo que abre unha gran porta á imaxinación do lector.

                                                                                       

     Andrea Insua Ramos

Próxima reunión do club para o alumnado de Bacharelato

O  luns,  9 de  febreiro

comentaremos  comparativamente  

Hamlet  

de  William  Shakespeare

e

O  incerto  Señor don  Hamlet, príncipe  de  Dinamarca

de  Álvaro  Cunqueiro

Próxima reunión do club para o alumnado de ESO

 O  luns,  2  de  febreiro

comentaremos

Un  estudio  en  escarlata

de  Arthur  Conan  Doyle

    A novela foi  publicada por  vez  primeira  en 1887 e  nela  o  detective Sherlock  Holmes enfróntase, coa  inestimable  axuda  do  doutor  Watson, ao  seu  primeiro  caso. É  aquí onde nace oficialmente  o  investigador  máis  famoso  de  todos os  tempos: un tipo  peculiar, ávido lector que toca  un Stradivarius, goza  fumando  en pipa, mestre  do  distraz,  intelixente, cunhas  dotes  fóra do común  para  o  razoamento  deductivo e  que  examina  o  mundo  a través  dunha  lupa.