Estrea teatral

 Teatro de sombras chinesas

Xa estreamos El-Rei Artur e a abominable dama de Marilar Aleixandre, Carmen Domech e Jorge Rey. Foi todo un éxito. Parabéns ao alumnado, ao profesorado de Artes Plásticas e a Kukas!!!

Lecturas de verán

 

Puntúa a biblioteca!!!

 Participaches nas actividades da biblioteca? Queres poñernos nota?

Tes novas ideas? 

Axúdanos a mellorar cubrindo as enquisas!

 

  

GRACIÑAS!!!

Entrega de premios / Concursos Día do Libro

PARABÉNS!!!

 

Teatro de sombras chinesas

O próximo 19 de xuño estreamos e queremos compartir convosco o traballo que realizamos ao longo desde curso con este proxecto. Debuxamos, interpretamos, rimos, recortamos... Mirade o vídeo e veredes as distintas fases que tivemos que desenvolver para a estrea. 

 

Esperamos que vos guste!!!

 

Traballos premiados - Concursos Día do Libro 2025

 Traballos premiados - Concursos Día do Libro 2025

No seguinte vídeo podes ver todos os traballos presentados e, por suposto, os premiados.

Regueifas para celebrar o Día das Letras Galegas

 Celebramos o Día das Letras Galegas cun obradoiro de regueifas

O pasado martes, 6 de maio, o departamento de Lingua Galega e Literatura xunto coa Biblioteca organizamos un obradoiro de regueifas dirixido ao alumnado de 2º da ESO. Con el quixemos homenaxear ás cantareiras, ás que se lles dedica este ano o Día das Letras Galegas.

O Rabelo e Big Meu impartiron o obradoiro e fixéronnos rir ben coas súas magníficas improvisacións.

As alumnas e alumnos experimentaron coas melodías, coas rimas e saíron coplas do máis divertidas, onde o noso centro foi o protagonista.

Foi un divertimento do máis creativo!

Obradoiro de danza con Mondra

 Obradoiro de danza con Mondra

Celebramos o Día das Letras Galegas con Mondra.

Aprendemos que era unha foliada, onde e cando se celebraban, 

que instrumentos tocaban, 

que se bailaba... 

e, fundamentalmente, homenaxeamos a nosa literatura popular de tradición oral e as nosas cantareiras. 

Pasámolo moi ben!!!

Alumnado premiado concursos Día do Libro

 

Teatro de sombras chinesas

                Silencio!!! Estamos ensaiando!!!

      

                                                       

   Comezaron os ensaios, baixo a dirección de Kukas e coa colaboración de Cristina e Kike, da obra de teatro que imos poñer en escena: El-rei Artur e a abominable dama, de Carmen Domech, Jorge Rey e Marilar Aleixandre.

   Nesta obra, o alumnado de Debuxo Artístico de 1º de bacharelato e 4º da ESO, elaborou todo o necesario para unha representación con sombras chinesas: o escenario, as figuras...

Esperamos que vos guste!!!

Concurso ilustración

 Concurso de Ilustración - Día do Libro

   Celebramos o Concurso de Ilustración con moita participación do alumnado. Ademais de utilizar a biblioteca, usamos a biblioterraza e unha aula.

   Nesta ocasión, homenaxeamos a poesía popular oral, á que se lle dedica este ano o Día das Letras Galegas. 

   O alumnado debía crear unha ilustración inspirándose nos seguintes versos populares que tamén glosou Rosalía de Castro.

Eu ben vin estar o moucho

enriba daquel penedo:

¡Non che teño medo moucho,

moucho non che teño medo!

Moita sorte!!!

Concurso literario 2025

 Concurso literario - Día do Libro 2025

   O pasado martes, 1 de abril, celebramos o concurso literario con motivo do Día do Libro. 

    

   Nesta ocasión quixemos homenaxear a poesía popular oral, á que se lle dedica este ano o Día das Letras Galegas. O alumnado debía inspirarse nos seguintes versos:

Eu ben vin estar o moucho

enriba daquel penedo:

¡Non che teño medo moucho,

moucho non che teño medo!

                 

   Moita sorte!!!

Concursos Día do Libro

 Día do libro 2025

X Concurso Literario

VIII Concurso de Ilustración

8M

 8MARZO

DÍA INTERNACIONAL DAS MULLERES

 

   A finais do mes de febreiro, para conmemorar o Día Internacional das Mulleres, recibimos a visita ao noso centro de Zinthia Álvarez Palomino. 

A xornalista e activista antirracista impartiu dous obradoiros ao alumnado de 1º ESO centrados no seu proxecto "Mulleres negras que cambiaron o mundo".