Concurso literario - Día do Libro 2025
O pasado martes, 1 de abril, celebramos o concurso literario con motivo do Día do Libro.
Nesta ocasión quixemos homenaxear a poesía popular oral, á que se lle dedica este ano o Día das Letras Galegas. O alumnado debía inspirarse nos seguintes versos:
Eu ben vin estar o moucho
enriba daquel penedo:
¡Non che teño medo moucho,
moucho non che teño medo!
Moita sorte!!!
Premios
VIII Concurso de Fotografía - Natureza
Parabéns a Joel, Bruno, Fernando, Uxía, Nouhaila, Lucía, Alberto, Paula e Alexia!!!
No seguinte vídeo podedes ver as fotografías premiadas e todas as que se presentaron ao concurso.
Teatro de sombras chinesas con
Kukas
Seguimos avanzando no deseño e na elaboración dos personaxes. Algúns están xa rematados. Mirade que ben están quedando!
Obradoiro tipográfico con María Ramos
Homenaxe a Rosalía de Castro 
O alumnado de 1º de bacharelato participou o pasado 3 de febreiro nun obradoiro con María Ramos, exalumna do centro e especialista en deseño tipográfico.
Primeiramente, realizou un percorrido histórico e afondou na diferenza entre caligrafía, lettering e tipografía.
Posteriormente, realizouse o traballo práctico de creación ex professo dunha tipografía para uns versos do poemario Follas Novas de Rosalía de Castro.
Teatro de sombras chinesas
Kukas
Hoxe comezou un proxecto que o Departamento de Artes Plásticas e a Biblioteca desenvolverán ao longo deste curso: teatro de sombras chinesas.
Será o alumnado de Debuxo artístico de 4º ESO e 1º de bacharelato quen contará, igual que o pasado ano para o proxecto cabezudo, coa inestimable axuda de Kukas.
Esta primeira sesión centrouse nun achegamento ás características propias deste tipo de teatro, o uso da luz, os materiais adecuados para as figuras, as técnicas de elaboración destas.
